Як мы куплялі чыгуначныя білеты праз інтэрнэт
Дарагія суінтэрнэтчыкі! Калі некаму з вас не хочацца стаяць у доооооооооооооўгай чарзе ды яшчэ з уласным пашпартам, каб купіць чыгуначны квіток на нейкі загружаны кірунак (прыклад: "Мінск - Львоў" 
), то зрабіце тое, што зрабілі мы з сябрам дзякуючы наводцы ад
![[info]](http://p-stat.livejournal.com/img/userinfo.gif){kind=small}
.
Cітуацыя: nachny_gosc адстаяў 2 гадзіны ў чарзе і купіў квіткі - праз нашу агульную памылку - не на ту дату. Часу на тое, каб здаць і купіць новыя, у яго няма. У нас жа павышаецца верагоднасць, што квіткоў не будзе і на наступны дзень.
Рашэнне: Напачатку я стала абзвоньваць-абпісваць знаёмых у Менску, якія б пагадзіліся пастаяць у чарзе і з паперкай пра пашпартныя дадзеныя купілі новыя білеты (выклікаўшы на сябе нараканне, што пакупка адбываецца не на пашпарты). Але! Дзякуючы
, які калісьці рабіў перадачу пра онлайн-пакупкі білетаў на чыгунках розных краін, знайшлося рашэнне: пакупка квітка праз інтэрнэт.
Праз некалькі гадзін на наш мінскі нумар пазванілі, і калі аказалася, што адказнай за квіткі асобы няма, то пакінулі тэлефон для сувязі. Мы - з Варшавы - перазванілі на той нумар і нам паведамілі, што квіткоў на гэты цягнік ужо няма, але ёсць на наступны, два месцы ў купэ на верхніх паліцах. Кошт новых квіткоў нам не сказалі, прапанаваўшы пазваніць у даведку 105 або дачакацца, калі на наступны дзень пазвоніць касір, які будзе канчаткова выстаўляць квіток.
Дастаўку на дом паабяцалі ў перыяд з 10 да 16 (хаця мы на сайце пазначылі, што пажадана з 10 да 12), але затое сказалі, што не абавязкова, каб білет атрымлівала пазначаная на квітку асоба (а на сайце напісана, што абавязкова).
У выніку ўжо а 11.30 наступнага дня квіток прывязлі і на месцы атрымалі за яго грошы. Вось такі паўінтэрнэтны-паўжывы спосаб заказу квіткоў.
Плюсы:
- не стаялі ў чарзе;
- не трэба было нават плаціць карткай у інтэрнэце (большая бяспека маіх фінансаў );
- дастаўка на хатні адрас;
- прыязныя тэлефонныя кантакты.
Мінусы:
- на сайце не даюць акрэсленых коштаў, трэба званіць у даведку;
- немагчыма адразу ведаць, ці будуць месцы на твой цягнік - трэба чакаць на званок;
- калі няма кантактнай асобы ў Менску, якой пазвоняць і якая заплаціць на месцы, купіць электронны квіток (так, як я купляла сабе з Польшчы ў Штатах) немагчыма.
У маім выпадку плюсы пераважылі, таму бессаромна піяру гэты сэрвіс на ЖЖ.
Protected: 30 ліпеня
Protected: У метро
Protected: першы блог
Protected: постканцэртнае
Варшава. Стары горад. Муры.
Маці з вогненна-рудой фрызурай і прапітым тварам грае на гітары па песенніку, а адна з двух дачок (тая, што на фота злева) ёй падпявае: "А mury runą, runą, runą i pogrzebią cały świat". Гэта песня Яцэка Качмарскага, сымбалю творчасці эпохі "Салідарнасці", смутная і запамінальная. Дзяўчо падпявае, не разумеючы, пэўна, пра якія сцены ідзе гаворка. Я ў тры гады таксама не вельмі ведала, што за "юный барабанщик", якога забілі белыя.
... Над мяккім мядзведзянём, што ляжыць побач, шыльдачка па-польску і па-англійску: "Збіраю грошы на кніжкі і адукацыю для дзяцей". Я кідаю пару злотых, і заўважаю, што ў мядзведзяні ў асноўным паперкі: купюры па 10, 20 і нават 50 злотых.
Цвярозы трамвай
Прыглядзіцеся да нумарной шыльдачкі варшаўскага трамваю нумар 19. На ёй напісана "TRZEŹWY" ("цвярозы"). Думаю, гэта частка акцыі дарожнай паліцыі па прамоўшну цвярозасці за рулём. Але на момант стала страшна: а раптам гэта АДЗІНЫ цвярозы трамвай на ўвесь горад? На астатніх жа не напісана! 
