Protected: Апошні дзень верасня
Protected: галасы…
З абы-якой працай у дэпутаты не возьмуць :)
адна з новых дэпутатак:
"начальник отдела по идеологической работе государственного учреждения материально-технического снабжения Управления делами Президента Республики Беларусь"
Post-elections
Ну што, даражэнькія. Час рэфлексаваць? Падсумоўваем:
Правы быў польскі палітолаг Адам Эберхардт, які сказаў, што так званая "лібералізацыя" скончыцца, не паспеўшы пачацца. Канешне, за такую можна было б фармальна прызнаць неўмяшальніцтва міліцыі ў ход акцыі пратэсту апазіцыі, але такое бывала і раней. З іншага боку, я не веру, што проста так збілі Базана, малых Вячорку і Каліноўскага (як бы мы ні ставіліся да іх палітычнай ці грамадскай пазіцыі).
Так што вітаем у сітуацыі, дзе ніводны апазіцыянер не прайшоў у парламент і ўсё развіваецца прадказальным кірункам. Улады паказалі, што яны могуць не разганяць масавыя акцыі апазіцыянераў і не кідаць іх у турмы, але да ўлады не дапусцяць - і кропка.
Лібералізацыя такога кшталту - гэта хістальнік, які нязменна вяртаецца да адной кропкі, аднаго стрыжня: моцнай аўтарытарнай персаналізаванай улады.
Неправы былі апазіцыянеры, якія замест таго каб, прадбачыўшы гэты варыянт падзей, увогуле не спланавалі сваю "пратэстную" акцыю. Нашэнне намётаў на плячах, супярэчлівыя заявы кожныя дзве хвіліны ("мы ночым, мы не ночым") і абсурдальная спрэчка Казуліна з Мілінкевічам, у які бок праспекта ім пайсці, - гэта нонсэнс. Я ўжо не кажу пра давыбарнае боўтанне з байкотам.
Апазіцыя як заўсёды аказалася "крыху цяжарнай", што з пункту гледжання фізіялогіі мажлівае толькі ў спецыфічных пастчарнобыльскіх умовах сучаснае Беларусі.
Але ўсё гэта ніяк не паўплывае на тое, якім чынам будуць развівацца адносіны Беларусі з Захадам.
Таму перад Захадам зараз стаіць даволі прагматычная задача: выбраць, як зінтэрпрэтаваць справаздачы ад АБСЕшных назіральнікаў і які мэссадж паслаць афіцыйнаму Мінску. Пагадзіцца з ягонай прапановай (мы не арыштоўваем апазіцыю, але і не пускаем яе ў парламент) і пачаць паступовую адлігу ці ўстаць на дыбы і сказаць: такое стаўленне да выбараў абсалютна недэмакратычнае і ніякіх паляпшэнняў не адбылося.
Агулам, нічога кардынальна новага ў параўнанні з поствыбарнай сітуацыяй 2000га году я не бачу. Хіба што часу ад парламенцкіх выбараў да прэзідэнцкіх у нас зараз паболей, а значыць, прасторы для гульні ў "пакрокавыя стратэгіі", "павольную лібералізацыю", "магчымую адлігу" або наадварот - "закручванне гаек", "мову санкцый і абмежаванняў" - у нас болей. Ажно да 2011га.
Protected: back
Маслоўскі ў другім туры… калі верыць хворай скуры :)
Цікава, наколькі першая статыстыка па малых участках супадае з агульным электаральным настроем? Вось Ігар Маслоўскі, кандыдат па Берасцю, абнародаваў першыя вынікі галасавання ў мясцовым скур-вен-дыспансеры. Чакаем на наступныя лякарні! (Папярэджваючы пытанне: у "Навінкі" ўжо званілі...)
паўжартам
"
"Шаноўныя сябры! Палатка ўжо прызнаная. Нашая прысутнасць на Площы Каліноўскага не мае сэнсу". (Захаваны правапіс арыгіналу.)"
А ці не гэты тэкст меў на ўвазе abrykos , калі пісаў гэты пост? :)
распаясаліся, адназначна!
Прэс-сакратар БДІПЧ запэўнівае, што калі нехта з назіральнікаў пнуў нагою выбарчую скрыню, яго пакараюць за парушэнне Кодэксу паводзінаў. Адмыслова спраўдзіла. Цікава, іх будуць - калі раптам нехта сапраўды вінаваты - караць за парушэнне пункта "Назіранне ў неабструктыўнай манеры" або "Непарушэнне лакальнага заканадаўства"? Пэўна, першае, бо перакульваць урны беларускім заканадаўствам пакуль не забаронена...
Ну што, усе на выбары?
Пакуль мае калегі ў "Беларускім рынку" ставяць на кон, колькі пройдзе апазіцыянераў са сціплымі прагнозамі 5-6 чалавек (я дык і 1-2 ледзь спадзяюся ўбачыць), польская Rzeczpospolita сцвярджае, што запланаваны пропуск ажно 22-х чалавек.
