Мы, беларусы, мірныя людзі… (с)
Прыбрала запісы пра плагіят пакуль што ў рэжым friends-only. Рэдактар са мной сазваніўся, матэрыял на сайце таго выдання зняты. Думаю, на цяпер усе свае ўрокі вывучылі і лішні "піяр" гэтаму ўсяму не патрэбны.
Пакуль жа ў мірным настроі сканчваю суботні працоўны дзень і збіраюся ў заўтрашняе падарожжа...
PS Тут хтосьці (пэўна, супрацоўнік газеты) у каментарах запытаў - маўляў, можа, не трэба гэта ўвогуле было выносіць на ўсеагульны агляд. Маўляў, "рэдактар не ведаў". Я і не сумняюся, што рэдактар не ведаў, бо рэдактар фізічна не можа адсачыць усе публікацыі ўсіх сваіх супрацоўнікаў. Спачуваю яму і жадаю толькі найлепшага ягонай газеце.
Але факты плагіяту трэба рабіць галоснымі: для таго, каб тыя, хто крадуць тэксты, неслі за гэта адказнасць не толькі ў закрытым памяшканні рэдактарскага кабінету. І таксама для таго, каб жаданне красці чужыя тэксты прападала ў іншых, хто, можа, толькі яшчэ разважае для сябе такую перспектыву.
Не хочаце галоснасці - не крадзіце. Не хочаце сапсаванай рэпутацыі выданню, дзе займаеце адну з рэдактарскіх пасад, - не крадзіце тым болей.
Пакуль мы тут спім у шапку…
... у Ісландыі ўпершыню ў сусветнай гісторыі прэм'ерам стане жанчына, якая адкрыта прызнаецца ў тым, што яна лесбійка.
66-гадовая Йоанна, дачка Сігурда (Johanna Sigurdadottir, прозвішчаў у Ісландыі няма), стане прэм'ер-міністрам краіны як мінімум да траўня, калі там пройдуць паскораныя выбары.
Палітык стаіць на часе часовай лева-цэнтрысцкай кааліцыі, у якую ўвайшлі паміж іншым сацыял-дэмакраты і "зялёныя".
PS. Цікава, што лесбійкі апярэдзілі і геяў - сярод мужчын-прэм'ераў у свеце дагэтуль ніхто не прызнаўся ў сваіх схільнасцях падчас займання пасады.
Protected: цынізм ці прастадушша?
Сlose to perfect…
Cёння нарэшце атрымала вынікі internet-based тэста TOEFL. Са 120 магчымых балаў я набрала:
Знаходжуся ў стадыі лёгкага афігення...
Ну, што беларускія габрэі стварылі Галівуд, я чула…
... а сёння вось уважліва пачытала біяграфію Лары Кінга:
Lawrence Harvey Zeiger (born November 19, 1933), better known by his stage name Larry King, is an American television and radio host. He is recognized in the United States as one of the premier broadcast interviewers of modern times.
Lawrence Harvey Zeiger was born to Jennie (née Gitlitz), a garment worker, and Edward Zeiger, a restaurant owner and defense plant worker. Larry's parents were Jews who had emigrated from Belarus (Minsk and Pinsk) to Brooklyn, New York City, where Larry was born.[1]
Upd. Спраўдзіла менскі тэлефонны даведнік. У горадзе ёсць як мінімум адна сям'я з дзявочым прозвішчам маці Лары Кінга: Гітліц - і адна сям'я з прозвішчам ягонага бацькі, Цайгер. Цікава, ці здагадваюцца яны, што могуць быць раднёй аднаго з найболей вядомых амерыканскіх тэлевядучых?..